إيه هو نظام البكالوريا أصلاً؟
هو مسار رسمي بيعتمد على احتساب المجموع التراكمي لدرجاتك خلال العامين الثاني والثالث الثانوي مع إتاحة نظام تحسين الدرجات، وإجمالي الدرجات 600 درجة.
الفرق عن الثانوية العامة إن مجموعك مش بيتحدد في سنة واحدة، هو بيتبني على سنتين ومعاك فرص تحسين لمستواك.
المسارات الأربعة
الطالب بيختار مساره قبل بداية الصف الثاني الثانوي، والمسارات هي:
مسار الطب وعلوم الحياة
علمي علوم
مسار الهندسة وعلوم الحاسب
علمي رياضة
مسار الأعمال
التعليم التجاري
مسار الآداب والفنون
الشعبة الأدبية
نقطة مهمة جداً: الوزارة أكدت إنه مفيش ارتباط إجباري بين المسارات الدراسية والكليات الجامعية، واسم المسار وحده مش بيضمن دخول كلية معينة، القبول الجامعي بيرتبط بالمجموع وقواعد التنسيق.
بتدرس إيه في كل سنة؟
الصف الأول الثانوي (المرحلة التمهيدية)
سنة نقل عامة بتدرس فيها 7 مواد أساسية كبناء معرفي.
الصف الثاني الثانوي
بتدرس 4 مواد بس: 3 مواد أساسية مشتركة (اللغة العربية، اللغة الأجنبية الأولى، التاريخ المصري) بالإضافة لمادة تخصصية حسب مسارك.
المادة الاختيارية حسب مسارك:
مسار الطب: بتختار بين الرياضيات أو الفيزياء
مسار الهندسة: بتختار بين الكيمياء أو البرمجة
الصف الثالث الثانوي
مادتين تخصصيتين اجباريتين في كل مسار (كل مادة 100 درجة)، بالإضافة لمادة التربية الدينية خارج المجموع المباشر:
مسار الطب: الأحياء والكيمياء (مستوى رفيع)
مسار الهندسة: الرياضة والفيزياء (مستوى رفيع)
مسار الأعمال: الاقتصاد (مستوى رفيع) والرياضيات
مسار الآداب: الجغرافيا (مستوى رفيع) والإحصاء
المجموع بيتحسب إزاي؟
400 درجة في الصف الثاني + 200 درجة في الصف الثالث = 600 درجة.
ست مواد محتسبة: أربع مواد من الصف الثاني ومادتين من الصف الثالث؛ إجمالي المواد اللي بتدرسها خلال العامين 7 مواد، منها 6 بتضاف للمجموع النهائي.
مواد المستوى الرفيع: دي مواد أساسية في المجموع زي اللغة العربية والأجنبية، مش درجات إضافية زايدة عن المجموع الكلي زي ما كان بيحصل في سنوات سابقة ومجموعك مش هيتعدى 100%.
أسئلة بتيجي في بالك عن نظام البكالوريا الجديد FAQ
ايوا، كل طالب يحق ليه دخول امتحان أي مادة مرتين في العام الدراسي الواحد، سواء كانت مادة عامة أو تخصصية، وبيتم احتساب أعلى درجة وفق الضوابط.
لأ مفيش أي درجات لأعمال السنة في نظام البكالوريا.
تقدر تتحول لمسار جديد في بداية الصف الثالث الثانوي، بشرط دراسة مادة تخصصية من مادتي المسار الجديد الخاصة بالصف الثاني. مثال: للتحويل من الطب للهندسة، تختار مادة الكيمياء أو البرمجة تدرسها.
لأ مش بتضاف للمجموع النهائي في الصف الثالث، لكن يشترط الحصول على 70% على الأقل للنجاح فيها.
لأ الوزارة أكدت إن مادتي اللغة العربية واللغة الإنجليزية مستمرتين كمقررات أساسية، وإن مادة التاريخ لم يتم إلغاؤها في المسارات العلمية، ومفيش صحة لقصر اللغة الأجنبية الثانية على المسار الأدبي.
الكليات مربوطة بالمسارات لكن التنسيق هو اللي بيحدد مجموع القبول في الكلية
تطبيق المسارات الأربعة رسمياً بدءاً من 2027؛ ودا آخر تحديث من وزارة التربية والتعليم.